جامعہ دارالہدیٰ ٹرسٹ

مقدمہ

بسم اللہ الرحمٰن الرحیم

اسلام میں دینی تعلیم و تعلم اور قرآن وسنت کی اشاعت اور ترویج کے لئے دینی مدارس اور ان میں اسلامی تعلیمات کے فروغ کی حیثیت، اہمیت اور فضیلت مسلم ہے۔ دینی تعلیمات اور مدارس کی اس عظمت کی بناء پر قرونِ اولیٰ سے لے کر آج تک امت مسلمہ کے ہر دور کے لوگ ان مدارس کی آبیاری میں حصہ لیتے رہے۔

برصغیر پاک و ہند پر مسلمانوں نے آٹھ سو سال حکومت کی۔ ان کے دور میں یہ خطہ علم دین کے طلباء اور علماء کرام سے معمور رہا۔ بعد میں انگریز نے یہاں قدم رکھا... اس سازش کا مقصد یہ تھا کہ دینی علوم کی قدر و قیمت مسلمانوں کے دلوں سے نکل جائے۔ اس آزمائش کے وقت علماء کرام نے جرات و ہمت سے فرنگی سازش کا مقابلہ کیا اور اپنی تمام تر صلاحیتیں وقوتیں دینی علوم کی تدریس وترویج کے لئے وقف کردیں۔

آج پاک و ہند میں دینی تعلیم کی جو بھی شکل ہے وہ اللہ تعالیٰ کے فضل سے ان علماء کی کوششوں اور کاوشوں کا نتیجہ ہے۔ اس وقت انجینئروں اور ڈاکٹروں کی یا کسی اور دنیاوی شعبہ سے متعلق ماہرین فن کی کمی نہیں، اگر کمی ہے تو وہ صرف جید علماء کرام کی ہے۔